Transcription
1
Monseigneur, ayant receu tout à cest heure la votre du IXe
2
et vous ayant escrit hier ce que nous avions icy
3
de nouveau, sachant à présent que le seigneur Ludovic vous
4
rescrit, je n’ay voullu faillir vous advertir que despuis
5
ma dernière lettre, l’on escrit de Gênes que le Turc en moins
6
de six moys a faict faire 150 gallères et 100 galliottes
7
touttes armées, sans avoyr touché en son thrésor et que
8
on en fabrique tousiours d’aultres de ce costé là, qu’il
9
a de présent en mer 230 gallères et 100 galliottes touttes
10
armées, mais que pour ceste année, il ne fera rien par
11
mer ; que monsieur d’Ax ha heu crédit de sortir de
12
prison et des mains des Turcs, trois chevaliers de Malte
13
françoys et le seigneur Malatesta, lequel est fort aggréable
14
aux Vénitiens ; et pour ce que l’on pretend que le pape sera
15
et de nom et d’effect bon compagnon, je vous ay bien voullu
16
envoyer son portraict mandé de Rome, attendant doncques
17
aultre chose de meilheur, je prieray le Créateur
18
monseigneur, vous donner en parfaicte santé, heureuse
19
et longue vie. De Saluces, ce XIIe julliet 1572
20
Votre très humble et affectionné
21
serviteur
22
Mathieu Bovier